Aug 19, 2016

"සං දේශනා" නමින් අමුතු බණක්... ලංකාවෙ ලු බුදුනුත් උපන්නෙ... "අහුවෙන්න එපා" ගෝතම හිමිගෙන් අවවාදයක්...




"බුද්ධකාලයෙත් ධර්මයට අමතර ව අධර්මය ප්‍රචාරය කරපු අය හිටිය. ඉතිං... අදත් ඉන්නව පිරිසක්. කිසි ම ප්‍රශ්නයක් නෑ මම සමහර වෙලාවට අපෙ සාකච්ඡාවෙදි නම්-ගම් කියල ම ස්වාමීන්වහන්සේලා ව අපි ගෞරවයෙන් වර්ණනා කරල තියෙනව. ඒ වගේ ම මේ යුගය තුළ මේ ධර්මය අහන ඇත්තො ධර්මයෙන් ඈත් වෙන්න හේතු වෙන යම් යම් බලවේග කිහිපයක් තියෙනවා මේ රටේ. ඒ බලවේග කිහිපය කියන්නට ඕන. එක හාමුදුරු කෙනෙක්... මෙයා ඇවිල්ලා ගිහි ගෙදර කරන්නට තියෙන ඒව ඔක්කොම කරල ඇවිල්ලා... වයසට ගිහිල්ල මේ මෑතක මහණ වෙච්ච කෙනෙක්. (වුඩ්ඪපබ්බජිතයෙක්) ලංකාවේ බුදුහාමුදුරුවො ඉපදුණා ය කියල අමුතු ම එයාගෙ බණක්, වැඩපිළිවෙලක් කියාගෙන යන කෙනෙක්. "සං" කියල දේශනා වගයක් පවත්වගෙන යනව.

Aug 14, 2016

භාෂාත්මක අවබෝධය බෞද්ධ විමුක්තිවිභාගය හා සම්බන්ධ තාර්කික කාරණාවක් ද?




සැබැවින් ම මෙබඳු ගුණ සහිත බෞද්ධ ව්‍යාකරණය වූ කලි විමුක්ති විභාගය හා සම්බන්ධ තාර්කික කාරණාවකි. ඥානය එළිදරව් වීමේ ස්වරූපය ඉන් පිළිබිඹු කෙරෙයි. එතුළින් ලබන පරම නිෂ්ඨාව වූ කලි ඉෂ්ටාර්ථසිද්ධිය වෙත පැමිණීමක් හෝ ගමනක අවසානයක් හෝ නො ව, ඉතා ප්‍රබුද්ධ ගමනක ආරම්භය යි. විශේෂයෙන් ව්‍යාකරණ යයි නූතනයේ හඳුනා ගැනෙන කෘත්‍රිම ව්‍යුහගත සංකල්ප වෙනුවට මෙබඳු විභාගාත්මක ක්‍රමවේදයන් ඔස්සේ ව්‍යාප්ත කළ නව සඞ්කල්පීය අර්ථකථන රාශියක් නිකායාගත මූලාශ්‍රය තුළින් හඳුනා ගත හැක. සාම්ප්‍රදායික නිරුක්ති විග්‍රහ සීමා පුළුල් කිරීමට භාවිත මෙ අධිවචනපථය ඉවහල් වේ. එතුළින් එක් වචනයක් හෝ එක් සඞ්කල්පයක් මත රැඳුණු අන්තවාදී ග්‍රහණයෙන් මිදීමට කුශලගවේෂකයාට ඉඩකඩ සලසා දෙයි. එතුළින් බුදු දහම සියලු භාෂාත්මක වටිනාකම් විමුක්තිය කරා යොමු කරවමින් සූත්‍රාගත භාෂා දර්ශනයට වාග්විද්‍යනුකූල පදනමක් නිර්මාණය කර ගැනීමට සමත් ව තිබේ. එය සූත්‍රාර්ථයන්ගේ ප්‍රකෘතිමත් බව රැකීම පිණිස ඉවහල් වන ඒකායන මාර්ගය වේ. යමෙක් තුන් පිටකය දන්නේ වී නමුත්, ව්‍යාකරණය නො දනී නම් හෙ අන්ධ හස්තියෙකු පියවරෙන් පියවර පැකිළෙන්නාක් මෙන් පදයෙන් පදය අර්ථමය වශයෙන් ගැටෙන බව සාරත්ථවිලාසිනියෙහි දැක්වේ.

SEE PDF : Atthabyañjana

Aug 9, 2016

පාලි ගන්ධවංසයෙහි අන්තර්ගතය පිළිබඳ හැඳින්වීමක්...










පාලි සාහිත්‍යයේ ග්‍රන්ථ පිළිබඳ ධුරාවලියක් ඉදිරිපත් කළ පළමු අවස්ථාව වශයෙන් ගන්ධවංසය පැසසිය යුත්තකි. පාලි භාෂාවෙන් රචනා වී තිබූ ග්‍රන්ථයන්හි කර්තෘත්වය අරමුණු ආදිය සහිත පරිපූර්ණ විවරණයක් මෙහි විම වෙසෙසා වැදගත් වෙයි. එසේ ම පාලි වංසකථා සාහිත්‍යයෙහි ලා මෑතකාලීන ව රචනා වූ වංසකථාවක් වීම ද ගන්ධවංසයෙහි වටිනාකම තවත් වැඩි කරයි. එසේ වුවත් යම් කරුණු සම්බන්ධයෙන් කතුවරයාගේ නො දැනීම හා අවිචාරශීලීත්වය ප්‍රකට ව පැනෙයි. බුරුම සම්ප්‍රදාය විසින් වරදවා සම්ප්‍රේෂණය කළ ඓතිහාසික තොරතුරු නිසාවෙන් එසේ වූ හ යි නිගමනය කළ හැකි ය. කෙසේ වෙතත් එහි ප්‍රතිඵලය වී ඇත්තේ විසඳා ගත යුතු සංශයස්ථාන බොහොමයක් කෘතියෙහි පරිශිෂ්ට වීම යි. කෘතියේ යොදා ගත් භාෂාව පිළිබඳ කථා කරන විට කතුවරයාගේ පාලිභාෂාඥානයේ පරිඥානයේ ප්‍රාමාණිකත්වය ඉතා අඩු මට්ටමක පවතින බව කිව යුතු ය. උක්තාඛ්‍යාත සම්බන්ධයෙන් සාවද්‍යතා, විභක්තිරූපයන්ගේ සාවද්‍ය යෝජනය, කාරකවිභක්තිප්‍රයෝග නිවැරදි ව භාවිත නො වීම ආදි දුර්වලතා ඒ අතර වේ. කෘතියේ ආකෘතික ලක්ෂණ සම්බන්ධයෙන් සලකා බලන විට ගද්‍යමය ආකෘතියකට වඩා සමීප වුවත්, තැනින් තැන පද්‍යඛණ්ඩ ද නො දක්නා ම නො වේ. ඒවා බොහෝ විට ව්‍යක්ත ස්වරූපයෙන් ගිලිහී ඇත.

SEE PDF GANDHAWAṂSO


Aug 8, 2016

බුද්ධ දේශනාව විකෘති කොට බුද්ධත්වයට නිගා දුන් “හෝ ගානා පොකුණ” ළමා චිත්‍රපටය


හෝ ගානා පොකුණ අපගේ දෝෂ දර්ශනයට ලක්වන්නේ ඉහත අපහාසාත්මක දෙබස් භාවිතය නිසා ම නො වේ. උතුම් බුද්ධභාෂිතය සම්බන්ධයෙන් කර තිබෙන බලවත් විකෘතිය ද හේතුවෙනි. බුදු හාමුදුරුවෝ කිව්වලු.... බුදු හාමුදුරුවොත් කිව්වලු.... ආදි වශයෙන් ජනවහරේවත් නැති කාරණයක් ඇත්තක් කොට හඟවා ශ්‍රැතිසූචනාර්ථයෙන් කියාපාන්නේ සූත්‍රාන්ත පිටකයෙහි සංයුත්තනිකාය මහාවග්ගයේ සච්චසංයුත්තයේ සිංසපාවග්ගයේ එන සිංසපා සූත්‍රයත්, සච්චසංයුත්තයේ ම අභිසමය වග්ගයේ නඛසිඛා සූත්‍රයත් එකට ඈඳා කරුණු වශයෙන් මුල-මැද-අග පටලවා ගෙන ය. මෙසේ උතුම් බුද්ධ භාෂිතයේ අර්ථය ද ව්‍යඤ්ජනය ද නසාලමින් බුදු දහම සම්බන්ධයෙන් සාවද්‍ය අර්ථකථන සපයන හෝ ගානා පොකුණ තම නිෂ්පාදන කාර්යයෙහි බොළඳ බව හා නිපැයුම්කරුවන්ගේ ලාමක අවබෝධය මොනොවට කියාපායි.  SEE PDF